लन्डन १० सेप्टेम्बर २०२५ । ‘जेनजी’को नाममा सोमबारदेखि सुरु भएको आन्दोलन हिंसात्मक बनेपछि नेपालमा ठूलो जनधनको क्षति भएको छ । आन्दोलन मंगलबार थप चर्किएपछि राज्यका तीन अंग कार्यपालिका, न्यायपालिका र व्यवस्थापिका (संघीय संसद्) भवनसहित धेरै सरकारी प्रशासनिक भवन, प्रहरी कार्यालय तथा केही व्यापारिक भवनमा क्षति पुगेको हो । मंगलबारसम्म २० भन्दा बढीको ज्यान गइसकेको छ । कतिपय जलेका भवनभित्र शवहरु पनि भेटिएका छन् ।
प्राप्त प्रारम्भिक विवरणअनुसार सिंहदरबारका दर्जनौं मन्त्रालयहरु, संघीय संसद्, राष्ट्रपति भवन, प्रधानमन्त्री निवास, प्रदेशसभा भवन, विमानस्थलमा समेत आगजनी र तोडफोड भएका छन् । यस्तै ठूला होटल, नेताहरुका निजी निवास, पूर्वपदाधिकारीका निवास, सञ्चारमाध्यममा समेत तोडफोड भएको छ । देशको मुख्य राजधानीका सयौं संचरनामा तोडफोड र आजगजी भइरहे पनि नेपालको सुरक्षा निकाय नेपाली सेना, सशस्त्र प्रहरी, नेपाल प्रहरीले आफ्नो सुरक्षाबाहेक ती संरचना कुनै जोगाउन सकेनन् ।
बुधबार राति १० बजेदेखि सेना परिचालन र प्रहरी भएको छ । बुधबार दिउँसो काठमाडौं उपत्यकासहित देशका विभिन्न जिल्लामा निषेधाज्ञा र राति कर्फ्यु जारी गरिएको छ । लुटपाट, आगजनी तोडफोडमा संलग्नलाई नगद, हतियारसहित नियन्त्रणमा लिएको खबर आएको छ ।
आन्दोलनका बीच ठूला ठूला भ्रष्टाचार, ठगी, हत्या, बलात्कार, व्यक्ति हत्या जस्ता अपराधमा जेल सजाय भोगिरहेका सयौं कैदीबन्दी हिरासतबाट भागेका छन् ।
- सिंहदरबारका दर्जनौं मन्त्रालयहरु
- संघीय संसद्
- राष्ट्रपति भवन
- प्रधानमन्त्री निवास
- प्रदेशसभा भवन
- गौतम बुद्ध अन्तर्राष्ट्रिय विमानस्थल
- केपी ओली, शेरबहादुर देउवा, पुष्पकमल दाहाल प्रचण्डलगायत नेताका निवास
- ठूला होटलहरु
- प्रहरी कार्यालयहरु
- सञ्चारमाध्यम भवन
- सर्वोच्च अदालत
- कारागार कार्यालय
- सपिङ मलहरु
- नगरपालिका कार्यालय
- सरकारी वकील कार्यालयलगायत
