लन्डन । २४औँ गोर्खा कप २०२६ का लागि टिम दर्ता प्रक्रिया आधिकारिक रूपमा बन्द भएको छ । आयोजक संस्था तमु धीं यूकेका अनुसार यस वर्ष प्रतियोगितामा मुख्य विधातर्फ ३२ टोली र भेट्रान विधातर्फ १६ टोली सहभागी हुने निश्चित भएको छ ।
आयोजकले प्रतियोगिताप्रति निरन्तर उत्साह र सहयोग प्रदान गर्ने सबै खेलाडी, टोली तथा समर्थकहरूलाई धन्यवाद व्यक्त गरेका छन् । उनीहरूको सहभागिता र साथले हरेक वर्ष गोर्खा कपलाई सफल बनाउन महत्त्वपूर्ण भूमिका खेल्दै आएको आयोजकले जनाएको छ । दर्ता गर्न नसकेका टोलीहरूलाई भएको असुविधाप्रति आयोजकले क्षमायाचना गर्दै सबैको समझदारीप्रति कृतज्ञता व्यक्त गरेको छ ।
बहुप्रतीक्षित २४औँ गोर्खा कप आगामी २४ मेमा अल्डरसटस्थित क्वीन्स एभिन्यूमा आयोजना हुने छ । आयोजकले सो दिन खेलाडी, समर्थक तथा समुदायका सबै सदस्यहरूलाई उपस्थित भई प्रतियोगितालाई सफल बनाउन आह्वान गरेको छ ।
टिम दर्ता यही अप्रिल ५ देखि सुरु गरिएको थियो ।
