एटा संवाददाता
अल्डरसट । भावी योजना र विभिन्न प्रतिवेदन पारित गर्दै ताप्लेजुङ समाज यूकेको १३ औं वार्षिक साधारणसभा सम्पन्न भएको छ ।
अल्डरसटको एम्पायर हलमा १९ जनवरी आइतबार अध्यक्ष बुद्धिमान दर्नालको अध्यक्षतामा भएको सभाले जिल्लालाई सरसहयोग गर्ने योजना प्रतिवेदनमा छलफल गरी पारित गरेको हो । सभामा कोषाध्यक्ष निमा लामाले प्रस्तुत गरेको आर्थिक प्रतिवेदन र कार्यसमितिले प्रस्तुत गरेको विभिन्न कार्ययोजना र एजेन्डाहरूमा छलफलपश्चात् पारित गरिएको थियो ।
सभामा नयाँ कार्यकारी सदस्यहरू कृष्णभक्त फेम्बु, किशोर लाबुङ्ग, सैलेन्द्र नाल्बो र नाम्दारे लिम्बुलाई अध्यक्ष दर्नालले खादा ओढाई स्वागत गरेका थिए
।
साधारणसभामा ताप्लेजुङ समाज यूकेका सल्लाहकार लक्ष्मी घिसिङ, मेजर भुवानी पन्धाक, विजयबिक्रम लिङ्गदेन, रत्न लाबुङ्ग, त्यसैगरी समाजसेवी श्रीप्रसाद लिम्बु, ईश्वर आङ्गबुहाङ्ग तथा जिल्लावासी दाजुभाइ, दिदीबहिनी तथा युवाहरूको बाक्लो उपस्थिति थियो ।
कार्यसमितिका तर्फबाट उपाध्यक्ष जीवन प्यारा मादेन, उपाध्यक्षहरु जीत मेन्याङ्गबो, नर लिम्बु, सहसचिवहरु लेक्स लिम्बु, पूर्ण मादेन, सांस्कृतिक विभाग प्रमुख कृष्णराज मेन्याङ्गबोलगायत उपस्थित थिए ।
साधारणसभामा उपाध्यक्ष लिम्बु सबेनहिमले स्वागत मन्तव्य राखेका थिए भने सचिव जानु काम्बाङ्ग लिम्बुले आफ्नो वार्षिक प्रतिवेदन तथा सभा सञ्चालन गरेकी थिइन् ।
