लन्डन ४ सेप्टेम्बर २०२३ । नेपालबाट बेलायत भ्रमणमा आएका तीन जना कलाकारलाई तमु प्ये ल्हु संघ युकेले सम्मान गरेको छ ।
अल्डरसटस्थित थकाली किचनमा शनिबार सम्मान तथा भेटघाट कार्यक्रम गरी गुरुङ चलचित्रका नायक तथा निर्देशक ताराबहादुर गुरुङ, निर्माता, निर्देशक तथा नायक माओत्से गुरुङ र चलचित्र निर्माता तथा रोधीं टिभिकी प्रबन्धक निर्देशक बालकाशी गुरुङलाई तमु प्ये ल्हु संघले यूकेका अध्यक्ष रनबहादुर गुरुङलगायतले फेटा, क्रमु प्रमाणपत्र, खादा र मायाको चिनोसहित सम्मान गरेका हुन् ।
तारा, गुरुङ लालीगुराँस सांस्कृतिक पोसाक केन्द्रका सञ्चालक पनि हुन् । माओत्से, गुरुङ फिल्म एसोसिएसनका संस्थापक अध्यक्ष, नेपाल चलचित्र निर्माता सघंका आजीवन सदस्य हुन् ।
यसैगरी आमा समूहकी अध्य विष्णु गुरुङबाट पनि कलाकारहरुलाई सम्मान गरिएको थियो । कलाकार माओत्सेले नेपालको चिनारी र बालकाशी गुरुङले तमु प्ये ल्हु संघ यूकेको बाबा टोलीलाई नेपालको कोसेली स्वरुप ढाका टोपी लगाई सम्मान गरेका थिए ।
अध्यक्ष रनबहादुर गुरुङको अध्यक्षतामा भएको कार्यक्रम उपसचिव इन्द्रेश इगोप्छेले संचालन गरेका थिए । कार्यक्रममा संस्थाका पदाधिकारी, कार्यकारी सदस्य, सल्लाहकार, आजीवन सदस्याहरुको उपस्थिति थियो ।
