लण्डन २३ अक्टुबर २०२३ ।
बेलायती प्रधानमन्त्री ऋषि सुनकले गाजाको अल-अहली अस्पतालमा गाजाभित्रैबाट लञ्ज गरिएको मिसाइल विस्फोट भएको दाबी गरेका छन् ।
ब्रिटिश इन्टेलिजेन्स रिपर्टको हवाला दिँदै सुनकले अस्पताल विस्फोटमा गाजाभित्रैबाट प्रहार गरिएको मिसाइल कारण रहेको उल्लेख गरेका हुन् । सोमवार संसद्लाई सम्बोधन गर्दै भनेका छन्, विस्फोट अल-अहली अस्पतालमा भएकोे सम्भवतः मिसाइल वा त्यसको कुनै हिस्साका कारण भएको थियो, जुन गाजाबाट इजरायलतर्फ लञ्च गरिएको थियो ।
अस्पतालमा भएको विस्फोटलाई लिएर इजरायल र हमास एक-अर्कामा आरोपप्रत्यारोप गरिरहेका बेला बेलायती प्रधानमन्त्रीको यस्तो धारणा बाहिर आएको हो । विस्फोटमा परी ४७१ जनाको मृत्यु भएको अन्तर्राष्ट्रिय मिडियाहरूले जनाएका छन् ।
