एटा संवाददाता
लन्डन । मिस नेपाल वल्र्ड २०१९ अनुष्का श्रेष्ठ बेलायत आएकी छन् । उनी ६९ औं मिस वल्र्ड प्रतियोगितामा भाग लिनका लागि गत हप्ता लन्डन आएकी हुन् ।
आउने १४ डिसेम्बरका दिन लन्डनस्थित एक्सलमा मिस वल्र्ड प्रतियोगिता आयोजना हुँदैछ । सो प्रतियोगितामा उनले नेपालको प्रतिनिधित्व गर्नेछिन् ।
यसैबीच प्रतियोगिताको तालिम सँगसँगै बेलायतवासी नेपालीहरुसँग समेत भेटघाट गरिरहेकी श्रेष्ठलाई गत शनिबार २३ नोभेम्बरका दिन एनआरएनए यूकेकी अध्यक्ष पुनम गुरुङ सहितको एक टोलीले उनलाई भेटी शुभकामना दिएको छ । भेटमा अध्यक्ष गुरुङले पूmलसहित खादा लगाउँदै एनआरएनए यूके लोगो अंकित मायाको चिनो प्रदान गरिन् । सो भेटमा एनआरएनए यूके महिला संयोजक प्रसुना कँडेल, हेम गुरुङ, शंकर श्रेष्ठ लगायत थिए ।
१२५ वटा देशबाट आएका सुन्दरीहरुसँग प्रतिस्पर्धा रहेका छन् । वर्ष २३, १६५ सेमी अग्ली अनुस्काले सामुदायिक परियोजनाहरुमा काम गर्ने र दुर्गम क्षेत्रको सहयोग गर्न चाहने बताएकी छन् । सन् १९५१ देखि सुरु भएको मिस वल्र्डमा नेपालले भने नेपाल सन् १९९७ बाट भाग लिँदै आएको छ । त्यस्तै गत वर्ष मिस नेपाल २०१८ श्रृंखला खतिवडाले भाग लिएकी थिइन् ।
