काठमाडौं १९ नाभेम्बर २०२३ ।
छठ पर्वको मुख्य दिन आज अस्ताउँदो सूर्यको पूजा आराधना गरि मनाइएको छ ।
तराईमधेशसहित काठमाडौं उपत्यकालगायत देशका धेरै जिल्लामा जलासयमा पुगी अस्ताउँदो सूर्यको पूजा आराधना गरी छट पूजा गरिएको हो ।
काठमाडौंमा बागमतीमा गौरीघाट, थापाथलीलगायत स्थानमा छठघाट बनाएका छन् । काठमाडौंको कमलपोखरी, ललितपुर महालक्ष्मीको बोजेपोखरी, भक्तपुरको कमलविनायकस्थित कमलपोखरीमा पनि छठघाट बनाइएको छ ।
आज अस्ताउँदो सूर्यको पूजा गरेको ठाउँबाट सोमबार विहान उदाउँदो सूर्यलाई अर्घ दिएपछि छठ पर्व समापन हुनेछ ।
