काठमाडौं । संघीय संसद प्रतिनिधि सभाको सभामुखमा अग्नीप्रसाद सापकोटा निर्विरोध चयन भएका छन् ।
सभामुख चयनको प्रक्रिया अगाडि बढाउन आइतबार बैठक डाकिएको थियो ।
सभामुखमा सत्तारुढ नेपाल कम्युनिष्ट पार्टीका तर्फबाट स्थायी समिति सदस्य अग्नि सापकोटाको मात्र उम्मेद्वारी परेको थियो ।
सापकोटाको मात्र एकल उम्मेद्वारी परेकाले प्रतिनिधसभाको नियमावलीअनुसार उनी निर्विरोध भएका हुन ।
सापकोटाका प्रस्तावकमा नेकपा संसदीय दलका उपनेता सुवास नेम्बाङ र समर्थकमा पूर्वसभामुख ओनसरी घर्ती, नेकपा संसदीय दलका प्रमुख सचेतक देव गुरुङ र राजपा सांसद लक्ष्मणलाल कर्ण छन् ।
प्रस्तावक र समर्थकहरुले संसद बैठकमा बोलेपछि सापकोटा सभामुखमा निर्वाचित भएको औपचारिक घोषणा भएको हो ।
कांग्रेसलगायतका प्रतिपक्ष दलले सभामुखमा उम्मेदवारी नदिँदा सापकोटा निर्विरोध भएका हुन ।
तत्कालीन सभामुख कृष्णबहादुर महराले बलात्कार प्रयासको आरोप लागेर पदबाट राजीनामा दिएपछि चार महिनादेखि सभामुख पद रिक्त थियो
।
