काठमाडौं असोज ७ । नेपालमा २४ घन्टामा ११७२ कोरोना भाइरस संक्रमित, १८९३ डिस्चार्ज, थप ७ जनाको मृत्यु भएको छ ।
स्वास्थ्य तथा जनसंख्या मन्त्रालयको नियमित प्रेस ब्रिफिङका क्रममा बुधबार प्रवक्ता डा जागेश्वर गौतमले ११७२ नयाँ संक्रमितसँगै नेपालमा कोरोना संक्रमितको संख्या ६७ हजार ८ सय ४ पुगेको प्रवक्ता गौतमले बताए । उनले कोरोना निको भएर १८९३ जना घर फर्कीएका छन् । यो सँगै नेपालमा हालसम्म कोरोना निको हुनेको संख्या ४९ हजार ९ सय ९४ जना पुगेको छ ।
थप ७ को मृत्यु भएको छ । मृतकमा ६ पुरुष र १ जना महिला छन् । प्रवक्ता गौतमका अनुसार मृतकमा काठमाडौँका ६८ वर्षीया महिला, झापाका ८६ वर्षीय, सिरहाका ५० वर्षीय, काठमाडौँका १६ वर्षीय, ललितपुरका ६४ वर्षीय र बर्दियाका ३९ वर्षीय पुरुष रहेका छन् । मृत्यु हुने नेपालमा कोरोना संक्रमणबाट मृत्यु हुनेको हालसम्म ४३६ पुगेको छ ।
यसैगरी नेपालमा आइसोलेसनमा रहने कोरोना संक्रमित १७ हजार ८ सय २२ जना छन् भने ७ हजार ३ सय ३७ जना क्वारेन्टाइनमा रहेको प्रवक्ता गौतमले बताए ।
काठमाडौँ उपत्यकामा थप नयाँ ६ सय ३७ कोरोना संक्रमित देखिएका छन् । काठमाडौँमा ४ सय ९२, ललितपुरमा ५० र भक्तपुरमा ९५ जना संक्रमित देखिएका हुन् ।
