लन्डन चैत ११ । अत्यावश्यक कामबाहेक नागरिकलाई मुलुकबाहिर जान प्रतिबन्ध लगाउने बेलायत सरकारले तयारी थालेको छ ।
कोरोना भाइरसको नयाँ लहर फैलिने सम्भावना बढेको भन्दै अत्यावश्यक कामबाहेकका मानिसलाई मुलुकबाहिर जान प्रतिबन्ध गरिने सरकारी अधिकारीहरुले बताएका हुन् । अधिकारीका अनुसार बेलायती नागरिकहरु अनावश्यक रुपमा होलिडे जान थालेको भन्दै आउँदो सोमबारबाट कम्तीमा जुन अन्तिमसम्मका लागि उक्त नयाँ नियम लागू गर्ने तयारी भएको हो ।
बिनाकुनै कारण विदेशमा होलिडे मनाउन गएको पाइएमा पाँच हजारसम्म जरिवाना तिर्नुपर्नेछ । तर, च्यानल आइल्याण्ड, आएल अफ म्यान र आयरल्याण्डका लागि भए सो नियम लागू हुनेछैन । यसैगरी कामको सिलसिला, अध्ययन, कानूनी दायित्व, आफन्तको निधन तथा अन्त्येष्टि जस्ता कामका लागि पनि सो प्रतिवन्ध लागू हुनेछैन ।
