लन्डन १५ जनवरी २०२५ । नेपालको गण्डकी प्रदेश सांसद सरस्वती गुरुङ बेलायत आइपुगेकी छन् । नेपाली कांग्रेसका नेतासमेत रहेकी गुरुङ क्वोंने (घोताने/घोन्डे) गुरुङ (तमु) समाज यूकेको निमन्त्रणामा मंगलबार १४ जनवरी २०२५ का दिन लन्डन आइपुगेकी हुन् । सांसद गुरुङलाई क्वोंने (घोताने/घोन्डे) गुरुङ (तमु) समाज यूकेका पदाधिकारीहरु र कार्यसमिति सदस्यलगायत भाइखलक तथा चेलीबेटीहरुले हिथ्रो टर्मिनल ३ मा स्वागत गरेका थिए ।
उनी क्वोने (घोताने/घोन्डे) गुरुङ (तमु) समाज यूकेको यही जनवरी १८ मा अल्डरसटस्थित एम्पायर हलमा आयोजना हुने नवौं भाइखलक भेटघाट तथा चेलीबेटी भोज कार्यक्रम-२०२५ लगायत कार्यक्रममा सहभागी हुनेछिन् ।
उक्त अवसरमा चर्चित कलाकारहरु हरिमाया गुरुङ, शितल गुरुङ तथा बिमला गुरुङको प्रस्तुति, नृत्य, चिट्ठा कार्यक्रम अनि थुप्रै मनोरञ्जनात्मक कार्यक्रम रहेको समाजका महासचिव ईन्द्र घोतानेले जानकारी दिए ।
