काठमाडौं । पूर्वप्रधानमन्त्री केपी शर्मा ओली र पूर्वगृहमन्त्री रमेश लेखकलाई थुनामा राखेर अनुसन्धान अघि बढाउन अदालतले पाँच दिन समय दिएको छ ।
जिल्ला अदालत काठमाडौंका न्यायाधीश आनन्दप्रसाद श्रेष्ठको इजलासले आइतबार एमाले अध्यक्षसमेत रहेका ओली र कांग्रेस नेता लेखकलाई ५ दिन म्याद थपको अनुमति दिएको हो । अदालतका सूचना अधिकारी दिपककुमार श्रेष्ठका अनुसार उनीहरूलाई १० दिन थुनामा राखेर अनुसन्धान अघि बढाउन सरकारी वकिलले माग गरेको थियो ।
गत २३ र २४ भदौमा जेन-जी आन्दोलनमा भएको दमनबारे जाँचबुझ गर्न गठित आयोगले ओली–लेखकलाई फौजदारी मुद्दामा कारबाही अघि बढाउन सिफारिस गरेको थियो । उनीहरु शनिबार बिहान पक्राउ परेका थिए ।
