लन्डन । स्याङ्जा समाज यूकेले समाजसेवी धनकाजी गुरूङ र होमकुमारी गुरुङ दम्पतीलाई निवासमै पुगेर सम्मान गरेको छ ।
८ जुलाई २०२६ का दिन स्याङ्जा समाज यूकेका सल्लाहकार ईस्टहाम निवासी धनकाजी गुरुङ र स्याङ्जा समाज यूकेकी संस्थापक आमा अध्यक्ष होमकुमारी गुरुङलाई अध्यक्ष रुपा गुरुङ, महासचिव यमबहादुर गुरुङ, सल्लाहकार एलबिजेड गुरुङ र आमा अध्यक्ष पार्वती गुरुङ (माइला) ले सम्मान गरेका हुन् । समाजसेवी गुरुङद्वयलाई फेटा, खादा र मायाको चिनो प्रदान गरिएको थियो । स्याङ्जा समाज यूकेका सल्लाहकार धनकाजी गुरुङ नातागोता परिवार मन्च यूकेका अध्यक्ष समेत हुन् । यस्तै हुमकुमारी गुरुङ लन्डन इकाईको पूर्व आमा अध्यक्ष, ईन्टरनेसनल नेपलिज युकेको सभापति पनि भएकी छन् ।
धनकाजी र होमकुमारी दम्पती २० वर्षभन्दा बढी समयदेखि समाजसेवामा लागिरहेका छन् । मनकारी दम्पतीले बुधबार पनि स्याङ्जा समाज यूकेको आर्थिक पाटो बलियो होस् भन्ने उद्देश्यले नगद सहयोग गरेको आमा अध्यक्ष पार्वती गुरुङले फेसबुकमार्फत जानकारी गराएकी छन् ।
यस्तै स्याङ्जा समाज यूकेकै प्रोपर्टी म्यानेजर चन्दा थापाले पनि प्लमस्टिडमा नयाँ घर किनेको खुसीयालीमा आर्थिक सहयोग गरेकी छन् ।
ओईलिङ निवासी पार्वती गुरुङको परिवारको तर्फबाट पनि समाजलाई आर्थिक सहयोग गरिएको छ ।
