ललितपुर । सौन्दर्य कला व्यवसायी संघ काठमाडौं जिल्ला सदस्यहरुले अनाथ तथा गरिब बालबालिकाहरुलाई नगद तथा जिन्सी सहयोग गरेका छन् ।
अंग्रेजी नयाँ वर्ष २०१९ र टोपी दिवसको उपलक्ष्यमा मंगलबार ललितपुर टौखेल गोदावरीमा रहेको आशिष होमका अनाथ तथा गरिब बालबालिकाहरुलाई नगद, जिन्सी, खाद्य सामग्रीहरु वितरण गरेका हुन् । संघकी सचिव शर्मिला मुनिकारले आफूहरुले नौलो सुरुआत गरेको भन्दै सहयोग गर्न पाउँदा खुसी लागेको बताइन् ।
सहयोग वितरण कार्यक्रममा संघका पदाधिकारी तथा सदस्यहरु सहभागी थिए ।
