एटा संवाददाता
अल्डरसट । गोर्खा टेनिस क्लबले समर टेनिस प्रतियोगिताको आयोजना गरेको छ । गत शनिबार १ जुनका दिन अल्डरसटमा सम्पन्न टेनिस खेलको ओपनतर्फ कृष्ण थापा विजयी बने भने डम्बर पुन उपविजेता भए ।
त्यस्तै, भेट्रान ‘ए’ तर्फ राजु गुरुङ विजेता भए भने नमराज गुरुङ उपविजेता बने । भेट्रान ‘बि’ तर्फ आरबि खालिङ्ग विजयी बने भने प्रेम राई उपविजेता भए । त्यस्तै डबलतर्फ मिन पुन तथा धिरज पुनको जोडी विजयी बने भने सुवास पुन तथा अजित गुरुङको जोडी उपविजेता बनेको क्लबका अध्यक्ष हर्क गुरुङले जनाए । त्यस्तै, आगामी खेलमा महिला तथा बालबालिकाहरुलाई समावेश गरिने क्लबका प्रवक्ता मान गुरुङले जानकारी गराए ।
