काठमाडौँ ३ अगस्ट २०२४ । सन् २०२४ को मिस नेपाल वर्ल्डको ताज आश्माकुमारी केसीले जितेकी छन् ।
हिडन ट्रेजरले आयोजना गरेको मिस नेपालको ३० औं संस्करणअन्तर्गत शनिबार भएको ग्राण्ड फिनालेमा आश्माकुमारीले ‘मिस नेपाल वर्ल्ड’को उपाधि उचालेकी हुन् । २५ सुन्दरीलाई पछि पारेर विजेता बबनेकी केसीलाई मिस नेपाल वर्ल्ड २०२३ की विजेता श्रृच्छा प्रधानले क्राउन लगाइदिएकी थिइन् ।
मिस नेपाल अर्थ सुमना केसी बनिन् भने करुणा रावतले मिस नेपाल इन्टरनेसनलको उपाधि हात पारिन् । अन्य विधाहरुमा श्रद्धा सिलवाल मिस फोटोजेनिक, आश्माकुमारी केसी फेस अफ द ईयर, दिक्षा अवस्थी मिस इन्टलेक्चुअल, सुमना केसी ब्युटी विथ अ पर्पोज र वुमन विथ विंग्स कृति श्रेष्ठ बने । हरेक विधाका विजेताले २५-२५ हजार नगद पुरस्कार हात पारे ।
