काठमाडौँ १३ सेप्टेम्बर २०२५ । नेपालका राष्ट्रपति रामचन्द्र पौडेलले प्रतिनिधिसभा विघटन गरेका छन् ।
शुक्रबार राति राष्ट्रपति पौडेलले प्रतिनिधिसभा विघटन गरेका हुन् । त्यसअघि अन्तरिम सरकारकी प्रधानमन्त्री सुशीला कार्कीको मन्त्रिपरिषद्को पहिलो निर्णयका रूपमा संसद् विघटनको सिफारिस गरिएको थियो ।
प्रधानमन्त्री कार्कीले फागुन २१ गते प्रतिनिधिसभा निर्वाचनको मितिसमेत तोकेकी छिन् ।
भदौ २३ र २४ गतेको जेनजी आन्दोलनपछि विकसित पछिल्लो राजनीतिक घटनाक्रमबीच कार्कीले शु्क्रबार राति नै प्रधानमन्त्री पदको शपथ लिएकी थिइन् । संविधानको धारा ६१ को उपधारा ३ र ४ मा अन्तर्निहित राष्ट्राध्यक्षको अधिकार प्रयोग गरी राष्ट्रपति पौडेलले कार्कीलाई प्रधानमन्त्रीमा नियुक्त गरेका थिए ।
