लन्डन । राष्ट्रिय लोक तथा दोहोरी गीत प्रतिष्ठान नेपाल युके शाखाले यही मे ३० मा बेलायतमा नवौं लोक दोहोरी स्वर्णिम साँझ आयोजना गर्ने भएको छ ।
नेपालबाट आएका ख्याति प्राप्त १५ कलाकारको साथमा स्वर्णिम साँझ आयोजना गर्न लागिएको हो । अल्डरसटस्थित एम्पायर हलमा हुने कार्यक्रममा मञ्जु बिक, सम्झना भण्डारी, सपना रोका, रेश्मा तामाङ, कृष्ण सुवेदी, गोविन पुन लगायतले प्रस्तुति राख्ने छन् ।
कार्यक्रम साँझ साढे ४ बजेका लागि तय गरिएको छ ।
‘हरेक वर्ष जस्तै यसपालि पनि राष्ट्रिय लोक तथा दोहोरी गीत प्रतिष्ठान नेपाल युके शाखाद्वारा आउँदै गरेको मे ३० तारिखका दिन नेपालदेखि आउनुभएका होनाहार ख्याति प्राप्त कलाकारहरूको साथमा नवौं लोक दोहोरी स्वर्णिम साँझको लागि भव्य तयारीमा रहेको कुरा जानकारी गराउन चाहन्छु,’ राष्ट्रिय लोक तथा दोहोरी गीत प्रतिष्ठान नेपाल युके शाखा अध्यक्ष मनसुधन थापा मगरले फेसबुकमा लेखेका छन्, ‘बेलायतमा रहनुहुने विभिन्न संघसंस्था, व्यवसायी, विभिन्न क्षेत्रका व्यक्तित्वहरूद्वारा हरेक वर्ष दिनुभएको साथ सहयोगको उच्च सम्मान गर्दै यसपालि पनि प्रतिष्ठान युकेले हजुरहरूको माया साथ सहयोगको अपेक्षा राखेका छौं ।’
टिकट दर अग्रिम २० पाउन्ड, गेटमा २५ पाउन्ड तिर्नुपर्नेछ । जेष्ठ नागरिक र बालबालिकाका लागि १५ पाउन्ड मात्र प्रवेश शुल्क लाग्नेछ ।
