लन्डन कात्तिक १० । गैरआवासीय नेपाली संघ यूके (एनआरएनए यूके)की अध्यक्ष पुनम गुरुङले भूपू गोर्खाहरुको नागरिकताको निरन्तरता गर्ने समय अहिले आएको बताएकी छन् ।
एनआरएनए यूकेले आयोजना गरेको “नागरिकताको निरन्तरता, सम्पत्तिको सुरक्षा र समानताका लागि गरिएको गोर्खाज आन्दोलन” विषयमा शनिबार आयोजित एक जुम वेबिनार कार्यक्रममा सम्बोधन गर्दै उनले त्यस्तो धारणा राखेकी हुन् । उनले एनआरएन नागरिकताको विषय ५०/६० लाख गैरआवासीय नेपालीहरुको सरोकारको विषय भएको उल्लेख गर्दै भूपू गोर्खाहरुको नागरिकताको निरन्तरता गर्ने अहिले समय आएको बताइन् ।
उनले नेपालमा प्रजातन्त्र पुनर्स्थापना भएपछि बनेका सरकारहरु अनुदार रहेको भन्दै गैरआवासीय नेपालीहरुको नागरिकताको निरन्तरताका लागि एनआरएन यूकेले सरोकारवालाहरुसँग छलफलमा लागि रहेको बताइन् ।
