पोखरा ४ जनवरी २०२३ ।
साविक विजेता सशस्त्र प्रहरीको एपीएफ क्लबलाई हराउँदै सङ्कटा क्लब आहा रारा पोखरा गोल्ड कपको फाइनलमा प्रवेश गरेको छ ।
पोखरा रङ्गशालामा एपीएफलाई चार–एक गोलले हराउँदै सङ्कटा उपाधि नजिकै पुगेको हो । सङ्कटाको जितका लागि विदेशी खेलाडी स्टेफन बिनोङ र मेसुके ओलामाउले दुईरदुई गोल गरे । एपीएफका हरि कार्कीले एक गोल फर्काए ।
दोस्रो सेमिफाइनलमा भोलि बिहीवार अमेरिकी टोली भुटनिज युथ स्पोर्ट्स क्लब र चर्च ब्वाइज युनाइटेडबीच खेल हुनेछ । प्रतियोगिताको विजेताले १२ लाख र उपविजेताले छ लाख रुपैयाँ पुरस्कार पाउने छन् ।
