लन्डन १८ डिसेम्बर २०२३ । नेपाली प्रतिभा प्रतिष्ठान बेलायतको अध्यक्षमा टंक वनेम निर्वाचित भएका छन् ।
प्रतिष्ठानको शनिबार १६ डिसेम्बरमा भएको पाँचौँ अधिवेशनले उनको अध्यक्षतामा नयाँ कार्यसमिति निर्वाचित गरेको हो । समितिको उपाध्यक्षमा मिजास तेम्बे र देवेन्द्र खेरेस, महासचिव चोक गुरुङ, कोषाध्यक्ष निर्मला परिवेश राई र सचिव अञ्जु अञ्जली छन् ।
सदस्यमा दयाकृष्ण राई, रक्ष राई, गणेश राई, नरेश नाति र दीपा लिम्बू राई निर्वाचित भए ।
सन् २००८ मा प्रवासमा नेपाली साहित्य, कला, संगीतको प्रवर्द्धन र जगेर्ना गर्ने उद्देश्यले उक्त प्रतिष्ठानको स्थापना भएको थियो ।
