म्याग्दी १४ नोभेम्बर २०२४ । काठमाडौँको ग्राण्डी अस्पतालमा डेङ्गीको उपचारका क्रममा गण्डकी प्रदेशसभा सांसद विमला गौचनको ६३ वर्षको उमेरमा निधन भएको छ ।
बुधबार राति उनको निधन भएको नेपाली कांग्रेस म्याग्दीका पूर्वसभापति तथा संविधानसभा सदस्य रेशमबहादुर बानियाँले बताए । उनी नेपाली कांग्रेसबाट समानुपातिक निर्वाचन प्रणालीबाट प्रदेशसभामा चुनिएकी थिइन् ।
उनको शव अस्पतालमै राखिएको तथा उनका छोरा अमेरिकाबाट आएपछि अन्त्येष्टि गरिने पारिवारिक स्रोतले जनाएको छ ।
