लन्डन । तामाङ समाज यूकेले आउँदो १ अगस्टमा आयोजना गर्ने ‘फस्ट तामाङ फेस्टिभल लन्डन २०२६’का लागि चन्दा संकलन भइरहेको छ ।
तामाङ समाज यूकेका अनुसार कार्यक्रम सफल पार्न बिहीबारसम्म ७ हजार ८ सयभन्दा बढी पाउन्ड संकलन भइसकेको छ । समाजसेवीहरुले ५० पाउन्डदेखि १ हजार पाउन्डसम्म फेस्टिभललाई दान गरेका छन् । हालसम्म प्राप्त चन्दाअनुसार सुनिता तामाङबाट १ हजार पाउन्ड,साइँली तामाङबाट ६ सय, तामाङ समाज यूकेका पूर्वअध्यक्ष एवं सल्लाकार दिपक गोले ५ सय पाउन्ड रहेको छ ।
यसैगरी लामा ज्वेलर्स यूके ३५१, नेपाली रेष्टुरेण्ट हिमालयन ओसिस टिथवर्थ, समाजसेवी सुरेश वाइबा, ठुली तामाङ, ईन्द्र वाइबा र तामाङ समाज युकेकी कोषाध्यक्ष श्रीमती मनु स्याङ्बोले ३/३ सय पाउन्ड सहयोग गरेका छन् भने समाजसेवीद्वय मानस & मनी परिवारले २ सय पाउन्ड सहयोग गरेका छन् ।
बिहीबार बेलुकीसम्म संस्थाको वेबसाइटअनुसार ७ हजार ८०९ पाउन्ड अर्थात् नेपाली रुपैयाँ १५ लाख ८९ हजार २६९ (शुक्रबारको दरभाउअनुसार) संकलन भइसकेको छ ।
- समाजसेवी सुनिता तामाङ : १०००
- समाजसेवी साइँली तामाङ : ६००
- तामाङ समाज यूकेका पूर्वअध्यक्ष एवं सल्लाकार दिपक गोले :५००
- लामा ज्वेलर्स यूके : ३५१
- नेपाली रेष्टुरेण्ट हिमालयन ओसिस टिथवर्थ : ३००
- समाजसेवी सुरेश वाइबा : ३००
- समाजसेवी ठुली तामाङ : ३००
- समाजसेवी ईन्द्र वाइबा र तामाङ समाज युकेकी कोषाध्यक्ष श्रीमती मनु स्याङ्बो : ३००
- समाजसेवीद्वय मानस & मनी परिवार :२००
- समाजसेवी रत्न तामाङ : २००
- समाजसेवी पासाङ लामा : २००
- समाजसेवी रोज लामा दोङ : २००
- समाजसेवी राज स्याङ्बो : २००
- काइरा ट्याडिसन : २००
- समाजसेवी बिरु पाख्रिन तामाङ : २००
- ल्हा म्हेन्दो युकेका अध्यक्ष आइत सिं मम्वा तामाङ : २००
- तामाङ समाज यूकेका पुर्वअध्यक्ष एवं सल्लाकार कर्म बोम्जन लामा : २००
- तामाङ घेदुङ युकेका पूर्वअध्यक्ष पूर्ण पाख्रिन तामाङ : १५१
- एनआरएनए यूकेका उपाध्यक्ष, धादिङ नुवाकोट समाजका अध्यक्ष एवं तामाङ समाज युकेका सल्लाकार धन पाख्रिन तामाङ : १५१
- सगरमाथा आरोही लोब्साङ तामाङ : १५०
- समाजसेवीद्वय अमिर लामा र श्रीमती मनुका वाइबा : १५०
- बुद्ध मोर्गेज यूके परिवार एवं सञ्चालक किशोर राना : १५०
- ओम रेष्टुरेण्ट अल्डरसटका संचालक लक्ष्मी तामाङ : १०१
- समाजसेवी प्रदिप लामा : १०१
- समाजसेवी तेन्जिङ पाख्रिन : १०१
- समाजसेवी मानु तामाङ : १०१
- समाजसेवी तामाङ समाज युकेको कार्यसमिति सदस्य निमा वाइबा : १००
- समाजसेवी टीकाराज घले : १००
- समाजसेवी बुद्ध ग्यल्जो लामा (कर्पो) : १००
- समाजसेवी विमल तिमिल्सिना : १००
- समाजसेवी रमेश ब्लोन : १००
- समाजसेवी एवं तमु युथ समाजका अध्यक्ष प्रज्वलमान गुरुङ (गोरे) : १००
- बिमला सलोन अल्डरसटकी संचालक बिमला गल्देन तामाङ : १००
- समाजसेवी विकास सम्पाङ : १००
- मगर युथ युकेका केन्द्रीय अथ्यक्ष दिपक थापा (मैथाने मगर) : ५१
- राष्ट्रिय लोक तथा दोहोरि गीत प्रतिष्ठान युके शाखाका अध्यक्ष एवं गायक मनसुधन थापा मगर : ५०
यस्तै समाजसेवी स्युमजुम तामाङनीले १०वटा डम्फू सहयोग गरेकी छन् ।
नेपालबाट चर्चित कलाकारहरु राजु लामा, विश्व दोङ, मनमाया वाइबा, जितु लोप्चन लगायतलाई डाकेर तामाङ फेस्टिभल लन्डन गर्न लागिएको हो । यस्तै बेलायतमा रहेका कुमार योञ्जनको विशेष प्रस्तुति रहने छ ।
कलाकारहरुको भिसा लागिसकेकोसमेत आयोजकले जनाएको छ । फेस्टिभलमा तामाङ समुदायको ऐतिहासिक धरोधर मानिने लामा, बोन्बो, ताम्बाको भूमिका के हुन्छ भन्ने देखाइने छ भने तामाङ सेलो, म्हेन्दोमाया गीतमा नाचगान हुने आयोजकले जनाएको छ । फेस्टिभल वुडल्यान्ड राइज, ग्रीनफोर्डमा बिहान ११ बजेदेखि सुरु हुने जनाइएको छ ।
पहिलो पटक हुन लागेको महोत्सवमा सहभागी हुन आयोजकले बेलायतवासी नेपाली समुदायलाई आग्रह गरेका छन् । कार्यक्रम सफल पार्न आयोजकले विभिन्न व्यक्तिहरुबाट स्वेच्छिक चन्दासमेत संकलन गरिरहेको छ ।
प्रवेश शुल्क वयस्कलाई २५ पाउन्ड, विद्यार्थीलाई २० पाउन्ड र बालबालिकालाई १५ पाउन्ड लाग्नेछ ।
