एजेन्सी असोज २४ ।
अमेरिका र तालिबानबीच वार्ता हुने भएको छ ।
अफगानिस्तानमा तालिवानले सत्ता कब्जामा लिएपछि पहिलो पटक वार्ता हुन लागेको हो । कतारको राजधानी दोहामा हुने वार्तामा तालिवानका वरिष्ठ अधिकारी र अमेरिकी प्रतिनिधिबीच अफगानिस्तानमा वार्ता हुन लागको हो ।
अफगातिस्तानमा रहेका चरमपन्थी समूह र देशबाट विदेशी नागरिक र अफगानिस्तानको निकासीलाई सहज बनाउने विषयमा अमेरिकी प्रतिनिधि र तालिवानी अधिकारीहरूबीच वार्ता हुन लागेको हो । अमेरिकी सेना फिर्ता र तालिबानीहरूले अफगानिस्तानमा कब्जा जमाएपछि हुन लागेको यो वार्ता महत्वपूर्ण मानिएको छ ।
गत अगस्टको अन्त्यमा अमेरिकी सेना अफगानिस्तानबाट फिर्ता भएपछि त्यहाँ २० वर्षको सैन्य उपस्थिति समाप्त भएको र अफगानिस्तानको सत्तामा तालिवानको उदय भएपछि हुन लागेको यो बैठकलाई निकै चासोपूर्वक हेरिएको छ ।
वार्ताले तालिबानले सन् २०२० मा वाशिङ्टनसँग गरेको शान्ति सम्झौताको पुनरवलोकन गर्ने विश्लेषण गरिएको छ ।
