एजेन्सी कात्तिक २ ।
अमेरिकाले आगामी नोभेम्बर ८ देखि कोरोना विरुद्धको पूर्ण खोप लगाएका ३३ देशका यात्रीका लागि सीमा खुला गर्ने निर्णय गरेको छ ।
अमेरिकाले आफनो देशमा यात्रा गर्ने हरेक यात्रुले यात्राको समय भन्दा अगाडी ७२ घण्टाभित्र कोरोना परीक्षणको नेगेटिभ रिपोर्ट पेश गर्नुपर्ने नियम लागु गरेको छ । नयाँ नियम अनुसार अमेरिकाले २६ यूरोपेली देशका साथै ब्राजिल, बेलायत, चीन, भारत, इरान आयरल्यान्ड र दक्षिण अफ्रिकालाई यो नियम लागू हुने जनाइएको छ ।
योसँगै गत वर्षको सुुरुदेखि यात्रामा लगाइएको कठोर प्रतिबन्ध अन्त्य हुनेछ । यो नीति सार्वजनिक स्वास्थ्य, कठोर अनि सुसंगत नीतिद्वारा निर्देशित भएको ह्वाइट हाउसले जनाएको छ ।
