काठमाडौं । अफ्रिकन देश मालीको गाओ सीमा क्षेत्रमा संयुक्त सुरक्षा गस्तीका क्रममा १७ जना मारिएका छन् ।
मारिनेहरु आतंकवादी समूहमा संलग्न रहेको सुरक्षा अधिकारीहरुले दावी गरेका छन् । सुरक्षा गस्तीका क्रममा एक सय भन्दा बढी संदिग्ध व्यक्ति पक्राउ परेको बीबीसीले उल्लेख गरेको छ ।
विद्रोहीको आक्रमणमा परेर ५४ जना सुरक्षाकर्मी मारिएपछि संयुक्त गस्ती थालिएको हो । तर अधिकारीहरुले मारिनेहरु कुन समूहसँग संलग्न रहेको भन्ने स्पष्ट नपारेको समाचारमा जनाइएको छ ।
सन् २०१२ पछि मालीमा इस्लामी आतंवादीहरुले धेरै शहर कब्जामा लिएका छन् । फ्रान्सको सहयोगमा यसका पूर्वी यूरोपियन शासक मलायन सेनाले जिहादीहरुको गुमाएको क्षेत्रमा पुनः नियन्त्रण कायम गरेको बताइएको छ ।
तर सुरक्षाकर्मीहरुले भने इस्लामीक समूहहरुको धम्कीको सामना भने गरिरहनुपरेको समाचारमा जनाइएको छ ।
संयुक्त राष्ट्रसंघका अनुसार गत जनवरीदेखि मात्र माली र बुर्किना फासोमा एक सय भन्दा बढी नागरिक मारिएका छन् । (एजेन्सी)
