एजेन्सी १२ अगस्ट २०२३ ।
आयोजक अष्ट्रेलिया पहिलो पटक महिला विश्वकप फुटबलको सेमिफाइनलमा प्रवेश गरेको छ ।
घरेलु मैदानमा फ्रान्सविरुद्ध रोमाञ्चक जित निकाल्दै अष्ट्रेलियाले अन्तिम चारमा स्थान सुरक्षित गरेको हो । निर्धारित ९० मिनेट र थप गरिएको ३० मिनेटको समय पनि गोलरहित बराबरी भएपछि खेल पेनाल्टी सुटआउटमा पुगेको थियो ।
पेनाल्टी सुटआउटमा पनि ३–३ गोलको बराबरी भएपछि खेल सडनडेथमा धकेलियो । त्यसमा पनि १० खेलाडीले पेनाल्टी प्रहार गर्दा ७–६ गोलले अष्ट्रेलियाले रोमाञ्चक जित निकाल्न सफल भयो ।
अब फाइनल प्रवेशका लागि अष्ट्रेलियाले इङ्ल्याण्ड र कोलम्बियाबीचको विजेतासँग सेमिफाइनल खेल्नेछ ।
