लन्डन । मगर संघ यूकेको आयोजनामा ‘लखन थापा मगर गल्फ प्रतियोगिता २०२६’ हुने भएको छ ।
प्रतियोगिता बेलायतको माइडेनहेडस्थित ड्रिफ्ट रोडमा आगामी अगस्ट १५ तारिखमा सञ्चालन गरिने मगर संघ यूकेका अध्यक्ष लालबहादुर पुन (लाल) ले जानकारी दिएका छन् ।
प्रतियोगिता सुरुवात बिहान ७:३० बजे हुने तय गरिएको छ।
प्रतियोगितामा व्यक्तिगत तथा टिम दुवै विधामा सहभागिता जनाउन सकिनेछ । सहभागी हुन इच्छुक खेलाडीहरूले अगस्ट ८ भित्र नाम दर्ता गरिसक्नुपर्नेछ।
आयोजकका अनुसार प्रतियोगिताले खेलकुदमार्फत समुदायबीच एकता, सहकार्य र आपसी सम्बन्ध सुदृढ गर्न मद्दत पुर्याउने अपेक्षा गरिएको छ ।
