एजेन्सी १८ जनवरी २०२३ ।
युक्रेनको राजधानी किएभको पूर्वी भागमा एक हेलिकप्टर दुर्घटना हुँदा मन्त्री र बालबालिकासहित १८ जनाको मृत्यु भएको छ ।
बीबीसी नेपालीका अनुसार शिशु(शिक्षालयनजिकै दुर्घटना हुँदा युक्रेनका आन्तरिक मामिलामन्त्रीसहित १८ जनाको मृत्यु भएको छ । मृत्यु हुनेमा तीन बालबालिका पनि छन्। थप १५ जनाको अस्पतालमा उपचार भइरहेको छ। मृत्यु हुनेमा जमिनमा रहेका मानिसहरू समेत छन्। हेलिकप्टरमा मन्त्री डेनिस मोनास्तिर्सकीसहित आठ जना सवार थिए ।
युक्रेनी प्रहरी प्रमुखले फेसबुकमा लेख्दै उक्त हेलिकप्टर युक्रेनको आपत्कालीन सेवाको रहेको जनाएका छन्। एक स्थानीय सैन्य अधिकारीका अनुसार उक्त घटनामा २९ जना घाइते भएका छन्।
