काठमाडौं २५ नोभेम्बर २०२३ ।
सर्जक भागवत खनालको पहिलो कथाकृति ‘बाबा मेरो पीआर आयो’ सार्वजनिक भएको छ ।
काठमाडौंमा शनिबार सम्पन्न कार्यक्रममा दुई दर्जन कथाहरू समेटिएको सँगालो कथाकार अभय श्रेष्ठ, डा. कपिल उपाध्याय, प्रकाशक विनिता खनाल, कल्पना अधिकारी, सिर्जना तिवारीलगायतले सार्वजनिक गरे ।
तीन दशक लामो निजामति सेवामा रहेर सहसचिवबाट अवकास पाएका खनालले पछिल्लो समय कथा र निबन्ध विधामा कलम चलाउँदै आएका छन् । उनको यस कथाकृतिले सामाजिक तथा ऐतिहासिक विषयवस्तु समेटेको छ ।
