सिन्धुली चैत ३ ।
सिन्धुलीमा जीप दुर्घटना हुँदा ४ जनाको मृत्यु भएको छ भने ७ जना घाइते भएका छन् ।
मृत्यु हुनेमा ६५ बर्षका रुद्रबहादुर थापा, १८ वर्षकी रीता इस्माली, १९ वर्षकी दुर्गा श्रेष्ठ र उनका छोरा दुई वर्षका मनिष श्रेष्ठ रहेका छन् । कमलामाई नगरपालिका करङडाँडामा बा १७ च १११७ नम्बरको जीप दुर्घटना भएको हो ।
उक्त दुर्घटनामा घाइते भएकाहरुलाई सिन्धुली र धुलिखेल अस्पतालमा उपचार भइरहेको प्रहरीले जनाएको छ । जीप सडकबाट ५० मिटर तल खसेर दुघृटनामा परेको बताइएको छ ।
