काठमाडौँ २३ अप्रिल २०२५ । नेपालका ऊर्जा, जलस्रोत तथा सिचाइँ राज्यमन्त्री पूर्णबहादुर तामाङ पदमुक्त भएका छन् । राष्ट्रपति रामचन्द्र पौडेलले प्रधानमन्त्री केपी शर्मा ओलीको सिफरिसमा बुधबार गरेको मन्त्रिपरिषद् पुनः गठनका क्रममा राज्यमन्त्री तामाङ पदमुक्त भएका हुन् ।
नेपाल विद्युत् प्राधिकरणका निवर्तमान कार्यकारी निर्देशक कुलमान घिसिङको पक्षमा बोलेको आरोपमा राज्यमन्त्री तामाङलाई ओलीले बर्खास्त गरेका हुन् ।
राष्ट्रपति पौडेलले प्रधानमन्त्री ओलीको सिफारिसमा आज शिक्षा, विज्ञान तथा प्रविधि मन्त्रीमा रघुजी पन्तलाई नियुक्त गरेको राष्ट्रपति कार्यालयले जनाएको छ । पुनर्रगठनसँगै मन्त्रिपरिषद् २४ सदस्यीय बनेको छ । पुनःगठित मन्त्रिमण्डलमा प्रधानमन्त्रीसहित २२ मन्त्री र दुई राज्यमन्त्री छन् ।
