एजेन्सी अप्रिल १६ ।
युक्रेनी राष्ट्रपति भोलोदिमिर जेलेन्स्कीले रुसी हमलामा २५ सयदेखि ३ हजार युक्रेनी सेना मारिएको दाबी गरेका छन् ।
२४ फेब्रुअरीदेखि सुरु भएको युद्धमा १० हजार युक्रेनी सेना घाइते भएको उनले दाबी गरे । मस्कोले गत महिना युद्धमा आफ्ना १ हजार ३५१ सेना मारिएको र ३ हजार ८२५ जना घाइते भएको जनाएको थियो ।
युद्धमा मारिने र घाइते हुने सेनाको संख्याबारे दुवै पक्षले आ–आफ्नो दाबी गरे पनि त्यसबारे स्वतन्त्र पुष्टि हुन सकेको छैन ।
