लन्डन १४ जून २०२३ । बेलायत निवासी लेखक तथा गीतकार लिला सेलिङ माबोको ‘सीमाना’ बोलको गीत सार्वजनिक भएको छ ।
लिलाको शब्द रचनामा रहेको गीति भिडियो सोमबार ‘द भ्वाईस अफ नेपाल सिजन ४’विजेता करण राई युट्युब च्यानलबाट सार्वजनिक गरिएको हो । गीतमा करण राईको आवाज रहेको छ ।
बेलायती सैनिक श्री माबो र लिला स्वयम् निर्माता रहेको गीतको कम्पोज/ एरेन्ज दिवेश राई, अभिनयमा करन राई र नितु पुन रहेको छ । भ्वाईस अफ नेपाल ४ को स्टेजमा चर्चित बनेको जोडी करण र नितुको क्यामेस्ट्री जमेको छ । उनीहरु रोमान्टिक मुडमा देखिएका छन् ।
उक्त म्युजिक भिडियो निर्देशन भने शान थापाले गरेका छन् । यस म्युजिक भिडियोमा डिओपी अर्जुन तिवारी, सिनेमाटोग्राफर बुद्ध थापा रहेका छन् भने सम्पादन सुप्रिम पराजुलीकोको रहेको छ ।
गीतकार लिला सार्वजनिक गीत ‘सिमाना’बाट निकै आसावादी रहेकी छिन् । आधा दर्जन गीत रेकर्ड गरिसकेकी लिलाले केही पुस्तकहरु पनि बजारमा ल्याईसकेकी छिन् । ‘मेमोरिज अफ अ गोर्खा ड्युरिङ लकडाउन’, सँगै सुब्बा सुभाङी र निशान बारे खोजमुलक लेखहरु लेखेकी छिन् । सामाजिक काममा समेत अग्रसर लिलाले विभिन्न पुरस्कारहरु समेत पाएकी छिन् ।
