काठमाडौँ २२ नोभेम्बर २०२३ । नेपाल मुक्तक प्रतिष्ठान, बेलायत शाखाका उपाध्यक्ष तथा मुक्तककार प्रतिमा केसीको ‘प्रवासी मन’ लोकार्पण भएको छ ।
नेपाल मुक्तक प्रतिष्ठानद्वारा मंगलबार आयोजित लोकार्पण समारोहमा नेपाली भाषा, भेष, संस्कृतिको प्रतिबिम्ब, समाजको परिवेश, महिलाका आवाज समेटिएको ‘प्रवासी मन’ लोकार्पण गरिएको हो ।
साहित्यकार उषा शेरचनले कृति विमोचन गर्दै महिलाले आफ्ना दैनिक जिम्मेवारी बहन गरेर कलम चलाउनु अन्य महिलाको लागि प्रेरणाप्रद भएको बताइन् ।
हातेमालो साहित्य सङ्गमका अध्यक्ष तथा मुक्तककार सुनिल अधिकारीले नेपाली साहित्यमा ‘प्रवासी मन’ मुक्तकसङ्ग्रले एक हजार एक सय १२ वटा मुक्तक प्रकाशन गरी इतिहास रचेको बताए ।
