छेन्दु । १७ औं पश्चिम चीन अन्तर्राष्ट्रिय मेलाको उद्घाटन समारोहलाई संबोधन गर्न आएका उपराष्ट्रपति नन्दबहादुर पुन पासाङले बेल्ट एण्ड रोड सम्बद्ध राष्ट्रहरुको व्यवसायिक सहकार्य सम्बन्धी सम्मेलनलाई संबोधन गरेका छन् । उनले बिहीबार दिउँसो सो सम्मेलनलाई संबोधन गरेका हुन् । उनले सम्बोधनको क्रममा चिनियाँ लगानीकर्ता र विआरआई सम्बद्ध राष्ट्रका व्यवसायिक प्रतिनिधिहरुलाई नेपालमा लगानीका लागि अपिल गरे ।
उपराष्ट्रपतिले बिहीबार नै भूकम्पपछि पुनःनिर्मित तुजिएङयान संग्राहलय र जिउलोङ समुदायको बस्तीको अवलोकन भ्रमण गरे । उपराष्ट्रतिसँग शुक्रबार विहान चिनियाँ कम्युनिस्ट पार्टी (सिपिसी)का सिचुवान प्रान्त सचिव पेङ छिङ हुवाले शिष्टाचार भेट गर्ने कार्यक्रम रहेको उपराष्ट्रपतिको प्रेस संयोजक मनोज घर्तीमगरले जानकारी दिए ।
