काठमाडौं । साहित्यकार गुरुङ सुशान्तलाई यस वर्षको ‘गौरी स्रष्टा सम्मान पुरस्कार’ प्रदान गरिने भएको छ ।
गुरुङ साहित्यिक मञ्च नेपालको नवौँ स्थापना दिवसका अवसरमा कमलादीस्थित नेपाल प्रज्ञा–प्रतिष्ठानमा यही २१ चैतमा आयोजना हुने कार्यक्रममा उक्त पुरस्कार दिइने भएको हो । पुरस्कारको राशि ३५ हजार ५ सय ५५ रुपैयाँ रहेको छ ।
कार्यक्रममा ‘तमू पहिचान : शास्त्र, साहित्य र सञ्चारको संवाद’ शीर्षकमा हुने पहिलो सत्रमा डा. पोलबहादुर गुरुङ, गुरुङ सुशान्त र गंगादेवी गुरुङले आफ्ना धारणा प्रस्तुत गर्नेछन् भने गौरी तमूले सहजीकरण गर्ने साहित्यकार एवं गुरुङ साहित्यिक मञ्च नेपालकी संस्थापक अध्यक्ष गौरी तमुले जानकारी दिएकी छन् ।
दोस्रो सत्रअन्तर्गत संस्थाको स्थापनादेखि हालसम्मको यात्रा प्रस्तुति, ‘तमू आँगन’अन्तर्गत मातृभाषामा कविता वाचन हुनेछ ।
