नुवाकोट । नुवाकोट जिल्लाको पञ्चकन्या गाउँपालिका वडा नं. ३, घलेगाउँ निवासी विष्णु तामाङ गम्भीर स्वास्थ्य समस्यासँग संघर्षरत रहेका छन् । कलेजो तथा सानो आन्द्रासम्बन्धी जटिल रोगबाट पीडित तामाङ हाल काठमाडौँस्थित त्रिवि शिक्षण अस्पताल, महाराजगन्जमा उपचार गराइरहेका छन्।
परिवारका अनुसार तामाङको उपचार खर्च जुटाउन सुरुमा आफ्नै नाममा रहेको जग्गा धितो राखिएको थियो । तर पछिल्लो समय उपचार खर्च निरन्तर बढ्दै जाँदा परिवारको आर्थिक अवस्थाले धान्न नसक्ने भएको छ । आवश्यक रकम अभावका कारण उपचारलाई निरन्तरता दिन कठिनाइ भइरहेको पत्नी शर्मिला तामाङले बताएकि छन् ।
यसैबीच, स्थानीय समाजसेवीहरू गङ्गा तामाङ, सुस्मा तामाङ, रमेश तामाङ तथा बिरामीका छोरा विजय तामाङको पहलमा “लायन्स क्लब अफ पञ्चकन्या, नुवाकोट”ले आर्थिक सहयोग संकलन अभियान सुरु गरेको छ । अभियानमार्फत तामाङको उपचारका लागि आवश्यक रकम जुटाउने लक्ष्य राखिएको छ।
अभियानकर्ताहरूले सबैलाई स्वेच्छिक रूपमा सहयोग गर्न आग्रह गरेका छन् । उनीहरूले सानो सहयोगले पनि बिरामीको जीवन बचाउन ठूलो योगदान पुग्ने विश्वास व्यक्त गरेका छन् । सहयोग पठाउन बिरामी विष्णुका छोरा विजयको बैंक खाता नम्बर दिइएको छ ।
सहयोग अभियानबाट प्राप्त जानकारी अनुसार, बिहीबार बिहानसम्म
- नुवाकोट पन्चकन्या ३ घलेगाउँ निवासी सामाजिक व्यक्तित्व गङ्गा तामाङबाट ३०००/-(तीन हजार रुपैयाँ)
- नुवाकोट पन्चकन्या ३ कात्तिके निवासी सामाजिक व्यक्तित्व लायन्स क्लब अफ पन्चकन्याका अध्यक्ष रमेश तामाङ र राष्ट्रिय मावि कविलासमा कार्यरत रमा तामाङबाट वैवाहिक वर्षगाँठको अवसरमा ३००० (तीन हजार रुपैयाँ)
- नुवाकोट पन्चकन्या ३ घलेगाउँ निवासी सामाजिक व्यक्तित्व वाईसीएल नेपाल नुवाकोटका सचिव सुरेन्द्र लामाबाट २०१०/-(दुई हजार दश रुपैयाँ)
