डा. मुलीबीर राई- बेलायत
अनगिन्ति संगीत सृजना र दर्जन जतिका सम्मान तथा पुरस्कार प्राप्त वरिष्ट संगीतकार तथा गायक दिनेश सुब्बाको विशेष प्रश्तुती हिजो वेलायतको टिडवर्थ स्थित हिमालयन ओयसिसको रेस्टुरेन्टमा भब्यताकासाथ सम्पन्न भयो ।
धरै देखे सपनीमा, थाहा नपाइ माया मेरो, हाम्रो सुन्दर संसार थियो, बादलुको घुम्टोले जस्ता उनको आफ्नै स्वर र संगीतका कालजयी गीतहरु एकपछि अर्को गर्दै पस्कने क्रममा उनले गीत संगीत सृजनाका पृष्टभुमी र आफ्ना अनुभबहरु पनि बडो मार्मिक ढंगले बाँडेका थिए भने पुर्वीय र पाश्चात्य संगीतको गहन अध्यनबाट खारिएका केही दार्शनिक कुराहरुले पनि दर्शकहरुको मन जितेको थियो ।
डियास्पोराका चर्चित गागिका सुनिता थेवे लिम्बूले गायकलाई धेरैवटा गीतहरूमा साथ दिएकी थिइन भने प्रसिद्ध गीतकार टिका चाम्लीङको शब्द र सुरेश अधिकारीको संगीतमा आफैले गाएकी मर्मस्पर्शी गीत हावाले पनि लखेटछ मलाई बोलको गीतबाट दर्शकहरुमाझ छाएकी थिइन ।
अर्की लोकपृय गायिका ताया हाङमा राईले पनि कार्यक्रम-नायक सुब्बालाई मेरो सपनाको सदनमा बोलको गीतमा साथ दिएकी थिइन ।
हिमालयन ओयसिसको आयोजनामा सम्पन्न सो कार्यक्रम डियास्पोराका अर्को गायक किसन राइले उदघोण गर्नुभएको थियो भने करिब सयको हाराहरी रहेको दर्शक दीर्घामा वेलायतमा रहेका अन्य लोगपृय गायक गायीकाहरु, लेखक साहित्यकार, कवि र समालोचकहरु रहेका थिए ।
यैाटा पृथक शैलीमा सम्मन्न सो सांगीतिक साँझको अर्को अन्तन्तै आकर्षण रहेको थियो वाद्यवादन जसमा तवला तथा मादलमा रेशम पाछे मगर, कहोन तथा म्मान्डोलिनमा मुकेश गजमेर र गीटारमा जुगलको साथ रहेको थियो ।
अपह्रान्न २ बजे सुरू भएर साँझ ५ बजे सम्पन्न सो कार्यक्रम अविस्मरणीय रहेको प्रतिकृया दर्शकहरूले दिएका थिए।
