काठमाडौं । मिलन गुरुङ ‘चक्रे मिलन’ले सम्पत्ति शुद्धीकरण मुद्दामा सफाइ पाएका छन् ।
सर्वोच्च अदालतका न्यायाधीशहरू अब्दुल अजीज मुसलमान र मेघराज पोखरेलको इजलासले आठ वर्षअघिको विशेष अदालतको फैसलालाई सदर गरेसँगै मिलन र उनकी श्रीमती इन्दिरा घले गुरुङले सफाइ पाएका हुन् ।
सम्पत्ति शुद्धीकरण अनुसन्धान विभागले उनीहरूमाथि ७ करोड ८ लाख रुपैयाँ गैरकानुनी रूपमा आर्जन गरेको आरोप लगाएको थियो । १० माघ, २०७४ मा विशेष अदालतले उनीहरूलाई सफाइ दिएको थियो ।
सफाइविरुद्ध सम्पत्ति शुद्धीकरण अनुसन्धान विभागले सर्वोच्च अदालतमा पुनरावेदन दिएको थियो ।
