लन्डन ५ जून २०२५ । अख्तियार दुरुपयोग अनुसन्धान आयोगले नेपालका पूर्वप्रधानमन्त्री एवं नेकपा (एकीकृत समाजवादी)का अध्यक्ष माधवकुमार नेपालविरुद्ध भ्रष्टाचार मुद्दा दायर गरेको छ ।
पतञ्जली योगपीठ तथा आयुर्वेद विद्यालयको नाममा दिइएको जमिन अनियमितता प्रकरणमा अख्तियार बिहीबार नेपालविरुद्ध विशेष अदालतमा मुद्दा दायर गरेको हो । केही दिनअघि नेपालसँग अख्तियारले बयानसमेत लिएको थियो ।
बि सं २०६६ मा प्रधानमन्त्री भएको बेला नेपाल नेतृत्वको सरकारले मन्त्रिपरिषदबाट निर्णय गरेर पतन्जलीलाई हदबन्दी छुटमा जग्गा खरिद गर्न स्वीकृति दिएको थियो । सोही जग्गा बिक्री गर्न अनुमति दिने निर्णय पनि नेपाल नेतृत्वकै सरकारले गरेको थियो ।
यसैबीच भ्रष्टाचार मुद्दा दायर भएपछि एकीकृत समाजवादीका अध्यक्ष नेपालको सांसद पद स्वत: निलम्बन भएको छ।
