पेसावर । उत्तरपश्चिम पाकिस्तानमा भएको एक डुंगा दुर्घटनामा कम्तीमा ४ व्यक्तिको मृत्यु हुनुका साथै अन्य २१ जना बेपत्ता भएका छन् । बेपत्ताहरुको खोजी गरिरहेको उद्धारकार्यका संलग्न अधिकारीहरुले जानकारी दिएका छन्। खैबर पाख्तुनख्वा प्रान्तमा रहेको इनदुस नदीमा शाङगलाबाट हारीपुरबाट गइरहेको डुंगा बुधबार दुर्घटना भएको थियो।
डुंगामा ३८ व्यक्ति सवार रहेका र ती मध्ये १३ जनाले भने पौडी खेलेर ज्यान बचाएका स्थानीय प्रहरी अधिकारी जाहिद उल्लाहले एएफपी समाचार समितिलाई जानकारी दिएका छन्।
दुई महिला र दुई बालबालिकाको शव नदीबाट निकालेको जाहिदले बताए। उद्धारकार्य अझै पनि जारी रहेको तर जिवितै उद्धार गर्ने सम्भावना अत्यन्त कम रहेको जाहिदले बताए।
