घलेभञ्ज्याङ । नुवाकोट पञ्चकन्या गाउँपालिका वडा नम्बर ३ घलेगाउँका २ स्कुले बालक सम्पर्कबिहीन भएका छन् । १४ वर्षीय हर्के तामाङ र सुजन लामा सोमबारदेखि हराइरहेको उनका आफन्तले जनाएका छन् । हर्के स्थानीय पञ्चकन्या माविमा कक्षा ७ मा र सुजन सप्तकन्या आवि घलेभन्ञ्याङमा कक्षा ४ मा अध्ययनरत छन् ।
दुवै बालक सोमबार काठमाडौंको तार्केश्वर नगरपालिका ४ शेषमतिबाट बेपत्ता भएका सुजनका बुवा लालबहादुर तामाङ लामाले जानकारी दिए । उनले आफ्ना छोरा र अर्का बालकको खोजीका लागि सबैसँग आग्रह गरेका छन् ।
पीडित आफन्तले मंगलबार खोजतलासका लागि महानगरीय प्रहरी वृत्त बालाजुमा निवेदन दिएका छन् । उनीहरुलाई कतै भेटिएमा आफ्नो सम्पर्क नम्बर ९८६१५८१९६७ मा खबर गर्न लालबहादुर लामाको अनुरोध छ ।
ती बालकहरुलाई भेटिए ९८४१५५४८६६, ९८१८०६९०९५ नम्बरमा सम्पर्क गर्न सकिने जनाइएको छ ।
