काठमाडौं मे १६ ।
गायक राजु लामाले सगरमाथाको सफल आरोहण गरेका छन् ।
उनी आज बिहान ६ बजेर ४० मिनेटमा सगरमाथाको शिखरमा पुगेको उनको आरोहणको आयोजकले बताएका छन् । उनीसहित अरु २६ जना पनि चुचुरोमा पुगेको बताइएको छ । मंगोलियन हार्ट ब्याण्डका लोकप्रिय गायक लामाले सगरमाथा आरोहण गर्न जाने क्रममा ६ हजार ५७४ मिटरमा रहेको क्याम्प ३ मा कन्सर्ट पनि गरेका थिए ।
लामाले जलवायु परिवर्तनप्रति चेतना जगाउन सगरमाथा आरोहण गरेको बताएका छन् ।
