काठमाडौं २१ अक्टुबर २०२३ ।
बडादसैँको सातौ दिन आज देशभरी पूजाआजा गरेर धार्मिक विधिपूर्वक फूलपाती भित्र्याइँदैछ ।
घटस्थापनादेखि पूजाआजा गरिएको दसैँघर अथवा पूजाकोठामा शुभ साइतको प्रतीकका रुपमा उखु, हलेदो, केराको बोट, धानको बाला, बेलपत्र, दारिम, जयन्ती, अशोकको फूल र अन्य नयाँ पालुवा समेत भित्र्याउने गरिन्छ ।
फूलपातीका दिन गोरखाबाट काठमाडौंको हनुमानढोका दरबारस्थित दसैँघरमा फूलपाती ल्याउने गरिन्छ । नेपाली सेनाले गोरखा दरबारबाट फूलपाती ल्याउने परम्परा छ ।
