काठमाडौं २२ अक्टुबर २०२३ ।
७ अक्टोबरमा गाजास्थित हमास समूहको आक्रमणमा परेर मारिएका १० नेपालीहरुमध्ये तीनजनाको शव नेपाल आइपुगेको छ ।
इजरायल सरकारले पहिचान भएका ४ शवको कानुनी प्रक्रिया पूरा गरेर नेपाली दूतावासलाई बुझाएसँगै नारायणप्रसाद न्यौपाने, लोकेन्द्रसिंह धामी, दिपेशराज बिस्टको शव नेपाल आइपुगेको छ भने आशिष चौधरीको शव आज दिउँसो आइपुग्ने बताइएको छ ।
बाँकी ६ नेपालीको शव पहिचान गर्ने र कानुनी प्रक्रिया पूरा गर्ने क्रममा रहेको दूतावासले जनाएको छ । शवहरूलाई आइतबार नै नेपाली सेनाको हेलिकप्टरमार्फत कैलाली सदरमुकाम धनगढी लैजाने तयारी छ ।
