काठमाडौं १ मार्च २०२४ ।
त्रिकोणात्मक टी-२० सिरिजमा नेपालले पहिलो जित दर्ता गराएको छ ।
त्रिवि क्रिकेट मैदान कीर्तिपुरमा शुक्रबार भएको खेलमा नेपालले नामिबियामाथि ३ रनको रोमाञ्चक जित दर्ता गराएको हो । नेपालले दिएको १ सय ८१ रनको लक्ष्य पछ्याएको नामिबियाले निर्धारित २० ओभरमा १ सय ७७ रन मात्र बनाउन सक्यो ।
नामिबियालाई जितका लागि अन्तिम ओभरमा १२ रन आवश्यक थियो । करण केसीले ८ रन दिएर एक विकेट लिए । योसँगै नेपालले पहिलो खेलमा ब्यहोरेको हारको बदला पनि लिन सफल भएको छ ।
सिरिजको पहिलो खेलमा नेपाल नामिबियासँगै २० रनले पराजित भएको थियो भने दोस्रो खेलमा नेपाल नेदरल्याण्ड्ससँग २ रनले स्तब्ध भएको थियो । नेपालका लागि कुशल मल्लले अविजित ५५ रनको योगदान गरे । आरिफ शेखले ३१, गुल्सन झा २६, अनिल साह २३, दीपेन्द्रसिंह ऐरीले १६ र कप्तान रोहित पौडेलले १० रन बनाउँदा अरू खेलाडीले दोहोरो अंकको स्कोर बनाउन सकेनन् ।
नामिबियालाई रोक्ने क्रममा नेपालका करण केसी, सोमपाल कामी, दीपेन्द्रसिंह ऐरीले समान २र२ विकेट लिए भने अविनाश बोहराले एक विकेट खसाले ।
