एजेन्सी ११ मार्च २०२४ ।
गाजापट्टीमा इजरायलको आक्रमणबाट ज्यान गुमाउने प्यालेस्टिनीको संख्या ३१ हजार नाघेको छ ।
हमासद्वारा सञ्चालित स्वास्थ्य मन्त्रालयका अनुसार गत वर्षको अक्टुबर ७ यता ३१ हजार ४५ को मृत्यु भएको हो । घाइतेको सङ्ख्या ७२ हजार ६५४ पुगेको छ ।
यसैबीच विगत २४ घण्टाको अवधिमा इजरायली सेनाले तटीय क्षेत्रका विभिन्न स्थानमा गरेको आक्रमणमा ८५ जना प्यालेस्टिनीको मृत्यु भएको छ । १३० जना घाइते भएका छन् ।
