लन्डन ५ मार्च २०२५ । तमु कलाकार सांस्कृतिक मञ्च यूकेले यही १५ मार्चमा चौथो रोधीं साँझ-२०२५ गर्ने आयोजना गर्ने भएको छ ।
मञ्चले दशौँ वार्षिकोत्सवसहित रोधी साँझ गर्न लागेको हो ।
सोही अवसरमा चौथो तमु कला संस्कृति जगेर्ना गर्ने उद्देश्यले यूकेमा स्थापना गरिएको मञ्चले हरेक दुई वर्षमा रोधीं साँझ गर्दै आएको छ ।
अल्डरसटस्थित एम्पायर हलमा अपराह्न ४ बजे सुरु हुने कार्यक्रममा चर्चित कलाकारहरूले प्रस्तुति दिनेछन् ।
समय मिलाएर कार्यक्रममा सहभागी भई हौसला प्रदान गरिदिन मञ्चले अनुरोधसमेत गरेको छ ।
‘कला संस्कृतिको जगेर्ना, हाम्रो चाहना’ नारासहित सन् २०१५ मा संस्थाको स्थापना भएको हो ।
