लन्डन । गैरआवासीय नेपाली संघ (एनआरएनए)को अध्यक्षमा बेलायतबाट डा. हेमराज शर्माले उम्मेदवारी दर्ता गराएका छन् ।
डा. शर्माले बुधबार आफ्नो उम्मेदवारी दर्ता गराएका हुन् । एनआरएनएको १२औँ महाधिवेशन मार्च १४ देखि १६ सम्म काठमाडौंमा हुँदैछ । निर्वाचन समितिले बुधबार दिउँसो ४ बजेसम्म उम्मेदवारी दर्ता गर्न समय तोकेको थियो । डा. शर्मा हाल संघको कार्यसमितिको उपाध्यक्ष छन् ।
एनआरएनएको १२औँ विश्व सम्मेलनलाई लक्षित गर्दै उनले संघलाई अझ सान्दर्भिक, प्रभावकारी र समावेशी बनाउन समयानुकूल रूपान्तरण गर्ने योजनाका साथ उम्मेदवारी दिएको बताएका छन् ।
